Aeschylus Persians

Herbert Weir Smyth

Tragedy

Epic

Heatmap options Heatmap by line/paragraph

Heat options Heat by tragedy vs. epic (default) or speech vs. narrative (toggle on)

Table of Contents:

← Previous Next →

str. 1

Χορός

νῦν γὰρ δὴ πρόπασα μὲν στένει γαῖʼ

Ἀσιὰς ἐκκενουμένα .

Ξέρξης μὲν ἄγαγεν , ποποῖ ,
550

Ξέρξης δʼ ἀπώλεσεν , τοτοῖ ,

Ξέρξης δὲ πάντʼ ἐπέσπε δυσφρόνως

βαρίδεσσι ποντίαις .

τίπτε Δαρεῖος μὲν οὕ-

τω τότʼ ἀβλαβὴς ἐπῆν
555

τόξαρχος πολιήταις ,

Σουσίδαις φίλος ἄκτωρ ;

ant. 1

Χορός

πεζούς τε γὰρ καὶ θαλασσίους

λινόπτεροι κυανώπιδες

νᾶες μὲν ἄγαγον , ποποῖ ,
560

νᾶες δʼ ἀπώλεσαν , τοτοῖ ,

νᾶες πανωλέθροισιν ἐμβολαῖς ,

αἵ τʼ Ἰαόνων χέρες .

τυτθὰ δʼ ἐκφυγεῖν ἄνακτʼ

αὐτὸν εἰσακούομεν
565

Θρῄκης ἂμ πεδιήρεις

δυσχίμους τε κελεύθους .

str. 2

Χορός

τοὶ δʼ ἄρα πρωτόμοιροι , φεῦ ,

λειφθέντες πρὸς ἀνάγκας , ἠέ ,

ἀκτὰς ἀμφὶ Κυχρείας , ὀᾶ ,
570

σύρονται · στένε καὶ δακνά-

ζου , βαρὺ δʼ ἀμβόασον

οὐράνιʼ ἄχη , ὀᾶ ·

τεῖνε δὲ δυσβάυκτον

βοᾶτιν τάλαιναν αὐδάν .
575

ant. 2

Χορός

γναπτόμενοι δὲ δίνᾳ , φεῦ ,

σκύλλονται πρὸς ἀναύδων , ἠέ ,

παίδων τᾶς ἀμιάντου , ὀᾶ .

πενθεῖ δʼ ἄνδρα δόμος στερη-

θείς τοκέες τʼ ἄπαιδες
580

δαιμόνιʼ ἄχη , ὀᾶ ,

δυρόμενοι γέροντες

τὸ πᾶν δὴ κλύουσιν ἄλγος .

str. 3

Χορός

τοὶ δʼ ἀνὰ γᾶν Ἀσίαν δὴν

οὐκέτι περσονομοῦνται ,
585

οὐδʼ ἔτι δασμοφοροῦσιν

δεσποσύνοισιν ἀνάγκαις ,

οὐδʼ ἐς γᾶν προπίτνοντες

ἅζονται · βασιλεία

γὰρ διόλωλεν ἰσχύς .
590

ant. 3

Χορός

οὐδʼ ἔτι γλῶσσα βροτοῖσιν

ἐν φυλακαῖς · λέλυται γὰρ

λαὸς ἐλεύθερα βάζειν ,

ὡς ἐλύθη ζυγὸν ἀλκᾶς .

αἱμαχθεῖσα δʼ ἄρουραν
595

Αἴαντος περικλύστα

νᾶσος ἔχει τὰ Περσᾶν .

Persians. Aeschylus. Herbert Weir Smyth. New York. 1922.

Tufts University provided support for entering this text.

This text was converted to electronic form by professional data entry and has been proofread to a medium level of accuracy.