Euripides Cyclops

Gilbert Murray

Tragedy

Epic

Heatmap options Heatmap by line/paragraph

Heat options Heat by tragedy vs. epic (default) or speech vs. narrative (toggle on)

Table of Contents:

← Previous Next →

str.

Χορός

παῖ γενναίων μὲν πατέρων

γενναίων τ’ ἐκ τοκάδων ,

πᾷ δή μοι νίσῃ σκοπέλους ;

οὐ τᾷδ’ ὑπήνεμος αὔρα

καὶ ποιηρὰ βοτάνα ;
45

δινᾶέν θ’ ὕδωρ ποταμῶν

ἐν πίστραις κεῖται πέλας ἄν-

τρων ; οὔ σοι βλαχαὶ τεκέων ;

Χορός

—ψύττ’ · οὐ τᾷδ’ οὔ ; οὐ τᾷδε νεμῇ

κλιτὺν δροσεράν ;
50

ὠή , ῥίψω πέτρον τάχα σου

—ὕπαγ’ ὦ ὕπαγ’ ὦ κεράστα—

μηλοβότα στασιωρὸν

Κύκλωπος ἀγροβάτα .

ant.

Χορός

σπαργῶντας μαστοὺς χάλασον ·
55

δέξαι θηλαῖσι σπορὰς

ἃς λείπεις ἀρνῶν θαλάμοις .

ποθοῦσί σ’ ἁμερόκοιτοι

βλαχαὶ σμικρῶν τεκέων .

εἰς αὐλὰν πότ’ ἀμφιβαλεῖς
60

ποιηροὺς λείπουσα νομοὺς

Αἰτναίων εἴσω σκοπέλων ;

Χορός

—νύττ’ · οὐ τᾷδ’ οὔ ; οὐ τᾷδε νεμῇ

κλιτὺν δροσεράν ;

ὠή , ῥίψω πέτρον τάχα σου

—ὕπαγ’ ὦ ὕπαγ’ ὦ κεράστα—

μηλοβότα στασιωρὸν

Κύκλωπος ἀγροβάτα .

ep.

Χορός

οὐ τάδε Βρόμιος , οὐ τάδε χοροὶ

Βάκχαι τε θυρσοφόροι ,

οὐ τυμπάνων ἀλαλαγμοὶ
65

κρήναις παρ’ ὑδροχύτοις ,

οὐκ οἴνου χλωραὶ σταγόνες ·

οὐδ’ ἐν Νύσᾳ μετὰ Νυμφᾶν

ἴακχον ἴακχον ᾠδὰν

μέλπω πρὸς τὰν Ἀφροδίταν ,
70

ἃν θηρεύων πετόμαν

Βάκχαις σὺν λευκόποσιν

ὦ φίλος ·

ὦ φίλε Βακχεῖε , ποῖ οἰοπολεῖς ;

ποῖ ξανθὰν χαίταν σείεις ;
75

ἐγὼ δ’ ὁ σὸς πρόπολος

θητεύω Κύκλωπι

τῷ μονοδέρκτᾳ δοῦλος ἀλαίνων

σὺν τᾷδε τράγου χλαίνᾳ μελέᾳ
80

σᾶς χωρὶς φιλίας .

Cyclops. Euripides. Gilbert Murray. Oxford. 1902.

Tufts University provided support for entering this text.

This text was converted to electronic form by professional data entry and has been proofread to a medium level of accuracy.