Euripides Cyclops

Gilbert Murray

Tragedy

Epic

Heatmap options Heatmap by line/paragraph

Heat options Heat by tragedy vs. epic (default) or speech vs. narrative (toggle on)

Table of Contents:

← Previous Next →

Χορός

ἄγε , τίς πρῶτος , τίς δ’ ἐπὶ πρώτῳ

ταχθεὶς δαλοῦ κώπην ὀχμάσας

Κύκλωπος ἔσω βλεφάρων ὤσας
485

λαμπρὰν ὄψιν διακναίσει ;

(ᾠδὴ ἔνδοθεν )

σίγα σίγα . καὶ δὴ μεθύων

ἄχαριν κέλαδον μουσιζόμενος

σκαιὸς ἀπῳδὸς καὶ κλαυσόμενος
490

χωρεῖ πετρίνων ἔξω μελάθρων

φέρε νιν κώμοις παιδεύσωμεν

τὸν ἀπαίδευτον ·

πάντως μέλλει τυφλὸς εἶναι .

str. 1

Ημιχ. Χορός

μάκαρ ὅστις εὐιάζει
495

βοτρύων φίλαισι πηγαῖς

ἐπὶ κῶμον ἐκπετασθείς ,

φίλον ἄνδρ’ ὑπαγκαλίζων

ἐπὶ δεμνίοις τε ξανθὸν

χλιδανῆς ἔχων ἑταίρας
500

μυρόχριστος λιπαρὸν βό-

στρυχον , αὐδᾷ δέ · Θύραν τίς οἴξει μοι ;

str. 2

Κύκλωψ

παπαπᾶ · πλέως μὲν οἴνου ,

γάνυμαι δὲ δαιτὸς ἥβῃ ,

σκάφος ὁλκὰς ὣς γεμισθεὶς
505

ποτὶ σέλμα γαστρὸς ἄκρας .

ὑπάγει μ’ ὁ χόρτος εὔφρων

ἐπὶ κῶμον ἦρος ὥραις

ἐπὶ Κύκλωπας ἀδελφούς .

φέρε μοι , ξεῖνε , φέρ’ , ἀσκὸν ἔνδος μοι .
510

str. 3

Χορός

καλὸν ὄμμασιν δεδορκὼς

Καλὸς ἐκπερᾷ μελάθρων .

— παπαπᾶ · φιλεῖ τις ἡμᾶς . –-

λύχνα δ’ ἀμμένον δαΐα σὸν

χρόα χὡς τέρεινα νύμφα
515

δροσερῶν ἔσωθεν ἄντρων .

στεφάνων δ’ οὐ μία χροιὰ

περὶ σὸν κρᾶτα τάχ’ ἐξομιλήσει .

Cyclops. Euripides. Gilbert Murray. Oxford. 1902.

Tufts University provided support for entering this text.

This text was converted to electronic form by professional data entry and has been proofread to a medium level of accuracy.