Euripides Suppliants

Gilbert Murray

Tragedy

Epic

Heatmap options Heatmap by line/paragraph

Heat options Heat by tragedy vs. epic (default) or speech vs. narrative (toggle on)

Table of Contents:

← Previous Next →

str. 1

Χορός

— ὦ μέλεαι μελέων ματέρες λοχαγῶν ,

ὥς μοι ὑφʼ ἥπατι χλωρὸν δεῖμα θάσσει —

— τίνʼ αὐδὰν τάνδε προσφέρεις νέαν ;
600

— στράτευμα πᾷ Παλλάδος κριθήσεται ;

— διὰ δορὸς εἶπας , ἢ λόγων ξυναλλαγαῖς ;

— γένοιτʼ ἂν κέρδος · εἰ δʼ ἀρείφατοι

φόνοι μάχαι στερνοτυπεῖς τʼ ἀνὰ πτόλιν

κτύποι φανήσονται , τάλαι-
605

να , τίνα λόγον , τίνʼ ἂν τῶνδʼ αἰτία λάβοιμι ;

ant. 1

Χορός

— ἀλλὰ τὸν εὐτυχίᾳ λαμπρὸν ἄν τις αἱροῖ

μοῖρα πάλιν · τόδε μοι θράσος ἀμφιβαίνει .

— δικαίους δαίμονας σύ γʼ ἐννέπεις .
610

— τίνες γὰρ ἄλλοι νέμουσι συμφοράς ;

— διάφορα πολλὰ θεῶν βροτοῖσιν εἰσορῶ.

— φόβῳ γὰρ τῷ πάρος διόλλυσαι ·

δίκα δίκαν δʼ ἐκάλεσε καὶ φόνος φόνον ,

κακῶν δʼ ἀναψυχὰς θεοὶ
615

βροτοῖς νέμουσι , πάντων τέρμʼ ἔχοντες αὐτοί .

str. 2

Χορός

— τὰ καλλίπυργα πεδία πῶς ἱκοίμεθʼ ἄν ,

Καλλίχορον θεᾶς ὕδωρ λιποῦσαι —

— ποτανὰν εἴ σέ τις θεῶν κτίσαι .
620

— διπόταμον ἵνα πόλιν μόλω .

— εἰδείης ἂν φίλων εἰδείης ἂν τύχας .

— τίς ποτʼ αἶσα , τίς ἄρα πότμος

ἐπιμένει τὸν ἄλκιμον

τᾶσδε γᾶς ἄνακτα ;
625

ant. 2

Χορός

— κεκλημένους μὲν ἀνακαλούμεθʼ αὖ θεούς ·

— ἀλλὰ φόβων πίστις ἅδε πρώτα .

— ἰὼ Ζεῦ , τᾶς παλαιομάτορος

παιδογόνε πόριος Ἰνάχου .

— πόλει μοι ξύμμαχος γενοῦ τᾷδʼ εὐμενής .
630

— τὸ σὸν ἄγαλμα , τὸ σὸν ἵδρυμα

πόλεος , ἐκκομίζομαι

πρὸς πυρὰν ὑβρισθέν .

Suppliants. Euripides. Gilbert Murray. Oxford. 1913.

Tufts University provided support for entering this text.

This text was converted to electronic form by professional data entry and has been proofread to a medium level of accuracy.