Euripides Suppliants

Χορός

— τὰ μὲν εὖ , τὰ δὲ δυστυχῆ .

πόλει μὲν εὐδοξία

καὶ στρατηλάταις δορὸς

780

διπλάζεται τιμά ·

ἐμοὶ δὲ παίδων μὲν εἰσιδεῖν μέλη

πικρόν , καλὸν θέαμα δʼ , εἴπερ ὄψομαι ,

τὰν ἄελπτον ἁμέραν

ἰδοῦσα , πάντων μέγιστον ἄλγος .

785

Χορός

— ἄγαμόν μʼ ἔτι δεῦρʼ ἀεὶ

Χρόνος παλαιὸς πατὴρ

ὤφελʼ ἁμερᾶν κτίσαι .

τί γάρ μʼ ἔδει παίδων ;

τὸ μὲν γὰρ ἤλπιζον ἂν πεπονθέναι

790

πάθος περισσόν , εἰ γάμων ἀπεζύγην ,

νῦν δʼ ὁρῶ σαφέστατον

κακόν , τέκνων φιλτάτων στερεῖσα .

Χορός

ἀλλὰ τάδʼ ἤδη σώματα λεύσσω

τῶν οἰχομένων παίδων · μελέα

795

πῶς ἂν ὀλοίμην σὺν τοῖσδε τέκνοις

κοινὸν ἐς Ἅιδην καταβᾶσα ;

Ἄδραστος

στεναγμόν , ὦ ματέρες ,

τῶν κατὰ χθονὸς νεκρῶν

ἀύσατʼ ἀπύσατʼ ἀντίφων ʼ ἐμῶν

800

στεναγμάτων κλύουσαι .

Χορός

— ὦ παῖδες , ὦ πικρὸν φίλων

προσηγόρημα ματέρων ,

προσαυδῶ σε τὸν θανόντα .

Ἄδραστος

ἰὼ ἰώ .

805

Χορός

τῶν γʼ ἐμῶν κακῶν ἐγώ .

Ἄδραστος

αἰαῖ .

Χορός

Ἄδραστος

ἐπάθομεν ὤ

Χορός

τὰ κύντατʼ ἄλγη κακῶν .

Ἄδραστος

ὦ πόλις Ἀργεία , τὸν ἐμὸν πότμον οὐκ ἐσορᾶτε ;

Χορός

— ὁρῶσι κἀμὲ τὰν τάλαι -

ναν , τέκνων ἄπαιδα .

810

Ἄδραστος

προσάγετε τῶν δυσπότμων

σώμαθʼ αἱματοσταγῆ ,

σφαγέντας οὐκ ἄξιʼ οὐδʼ ὑπʼ ἀξίων ,

ἐν οἷς ἀγὼν ἐκράνθη .

Χορός

— δόθʼ , ὡς περιπτυχαῖσι δὴ

815

χέρας προσαρμόσασʼ ἐμοῖς

ἐν ἀγκῶσι τέκνα θῶμαι .

Ἄδραστος

ἔχεις ἔχεις .

Χορός

— πημάτων γʼ ἅλις βάρος .

Ἄδραστος

αἰαῖ .

Χορός

τοῖς τεκοῦσι δʼ οὐ λέγεις ;

Ἄδραστος

ἀίετέ μου .

820

Χορός

στένεις ἐπʼ ἀμφοῖν ἄχη .

Ἄδραστος

εἴθε με Καδμείων ἔναρον στίχες ἐν κονίαισιν .

Χορός

— ἐμὸν δὲ μήποτʼ ἐζύγη

δέμας ἐς ἀνδρὸς εὐνάν .

Ἄδραστος

ἴδετε κακῶν πέλαγος , ὦ

ματέρες τάλαιναι τέκνων .

825

Χορός

— κατὰ μὲν ὄνυξιν ἠλοκίσμεθʼ , ἀμφὶ δὲ

σποδὸν κάρᾳ κεχύμεθα .

Ἄδραστος

ἰὼ ἰώ μοί μοι ·

κατά με πέδον γᾶς ἕλοι ,

διὰ δὲ θύελλα σπάσαι ,

830

πυρός τε φλογμὸς ὁ Διὸς ἐν κάρᾳ πέσοι .

Χορός

— πικροὺς ἐσεῖδες γάμους ,

πικρὰν δὲ Φοίβου φάτιν ·

ἔρημά σʼ ἁ πολύστονος Οἰδιπόδα

835

δώματα λιποῦσʼ ἦλθʼ Ἐρινύς .