Aeschylus Suppliants

Herbert Weir Smyth

Tragedy

Epic

Heatmap options Heatmap by line/paragraph

Heat options Heat by tragedy vs. epic (default) or speech vs. narrative (toggle on)

Table of Contents:

← Previous Next →

str. 1

Χορός

ἄναξ ἀνάκτων , μακάρων

μακάρτατε καὶ τελέων
525

τελειότατον κράτος , ὄλβιε Ζεῦ ,

πιθοῦ τε καὶ γένει σῷ

ἄλευσον ἀνδρῶν ὕβριν εὖ στυγήσας .

λίμνᾳ δʼ ἔμβαλε πορφυροειδεῖ

τὰν μελανόζυγʼ ἄταν .
530

ant. 1

Χορός

τὸ πρὸς γυναικῶν δʼ ἐπιδὼν

παλαίφατον ἁμέτερον

γένος φιλίας προγόνου γυναικὸς

νέωσον εὔφρον ʼ αἶνον ,

γενοῦ πολυμνάστωρ , ἔφαπτορ Ἰοῦς ·
535

Δῖαί τοι γένος εὐχόμεθʼ εἶναι

γᾶς ἀπὸ τᾶσδʼ ἄποικοι .

str. 2

Χορός

παλαιὸν , δʼ εἰς ἴχνος μετέσταν

ματέρος ἀνθονόμους ἐπωπάς ,

λειμῶνα βούχιλον , ἔνθεν Ἰὼ
540

οἴστρῳ ἐρεθομένα

φεύγει ἁμαρτίνοος ,

πολλὰ βροτῶν διαμειβομένα

φῦλα , διχῇ δʼ ἀντίπορον

γαῖαν ἐν αἴσᾳ διατέμ-
545

νουσα πόρον κυματίαν ὁρίζει ·

ant. 2

Χορός

ἰάπτει δʼ Ἀσίδος διʼ αἴας

μηλοβότου Φρυγίας διαμπάξ .

περᾷ δὲ Τεύθραντος ἄστυ Μυσῶν ,

Λύδιά τε γύαλα ,
550

καὶ διʼ ὀρῶν Κιλίκων

Παμφύλων τε γένη διορνυμένα

καί ποταμοὺς ἀενάους

καὶ βαθύπλουτον χθόνα καὶ

τὰν Ἀφροδίτας πολύπυρον αἶαν .
555

str. 3

Χορός

ἱκνεῖται δὴ σινουμένα βέλει

βουκόλου πτερόεντος

Δῖον πάμβοτον ἄλσος ,

λειμῶνα χιονόβοσκον , ὅντʼ ἐπέρχεται

Τυφῶ μένος ,
560

ὕδωρ τε Νείλου νόσοις ἄθικτον ,

μαινομένα πόνοις ἀτί-

μοις ὀδύναις τε κεντροδα-

λήτισι , θυιὰς Ἥρας .

ant. 3

Χορός

βροτοὶ δʼ , οἳ γᾶς τότʼ ἦσαν ἔννομοι
565

χλωρῷ δείματι θυμὸν

πάλλοντʼ ὄψιν ἀήθη ,

βοτὸν ἐσορῶντες δυσχερὲς μειξόμβροτον ,

τὰν μὲν βοός ,

τὰν δʼ αὖ γυναικός · τέρας δʼ ἐθάμβουν .
570

καὶ τότε δὴ τίς ἦν ὁ θέλ-

ξας πολύπλαγκτον ἀθλίαν

οἰστροδόνητον Ἰώ ;

str. 4

Χορός

διʼ αἰῶνος κρέων ἀπαύστου

Ζεὺς
575

Διὸς δʼ ἀπημάντῳ σθένει

καὶ θείαις ἐπιπνοίαις

παύεται , δακρύων δʼ ἀπο-

στάζει πένθιμον αἰδῶ .

λαβοῦσα δʼ ἕρμα Δῖον ἀψευδεῖ λόγῳ
580

γείνατο παῖδʼ ἀμεμφῆ ,

ant. 4

Χορός

διʼ αἰῶνος μακροῦ πάνολβον ·

ἔνθεν πᾶσα βοᾷ χθών ,

φυσιζόου γένος τόδε

Ζηνός ἐστιν ἀληθῶς ·
585

τίς γὰρ ἂν κατέπαυσεν Ἥ-

ρας νόσους ἐπιβούλους ;

Διὸς τόδʼ ἔργον καὶ τόδʼ ἂν γένος λέγων

ἐξ Ἐπάφου κυρήσαις .

str. 5

Χορός

τίνʼ ἂν θεῶν ἐνδικωτέροισιν
590

κεκλοίμαν εὐλόγως ἐπʼ ἔργοις ;

αὐτὸς ὁ πατὴρ φυτουργὸς αὐτόχειρ ἄναξ

γένους παλαιόφρων μέγας

τέκτων , τὸ πᾶν μῆχαρ οὔριος Ζεύς .

ant. 5

Χορός

ὑπʼ ἀρχᾶς δʼ οὔ τινος θοάζων
595

τὸ μεῖον κρεισσόνων κρατύνει .

οὔτινος ἄνωθεν ἡμένου σέβει κράτη .

πάρεστι δʼ ἔργον ὡς ἔπος

σπεῦσαί τι τῶν βούλιος φέρει φρήν .

Suppliants. Aeschylus. Herbert Weir Smyth. New York. 1922.

Tufts University provided support for entering this text.

This text was converted to electronic form by professional data entry and has been proofread to a medium level of accuracy.