Aeschylus Suppliants

Herbert Weir Smyth

Tragedy

Epic

Heatmap options Heatmap by line/paragraph

Heat options Heat by tragedy vs. epic (default) or speech vs. narrative (toggle on)

Table of Contents:

← Previous Next →

str. 1

Χορός

εἴθʼ ἀνὰ πολύρυτον

ἁλμήεντα πόρον

δεσποσίῳ ξὺν ὕβρει ,
845

γομφοδέτῳ τε δόρει διώλου .

αἵμονες ὡς ἐπάμιδα

ησυδουπιάπιτα

Κῆρυξ

κελεύω βοᾶν μεθέσθαι

ἴχαρ φρενί τʼ ἄταν .
850

ἰοὺ ἰού .

λεῖφʼ ἕδρανα , κίʼ ἐς δόρυ .

ἀτίετον ἄπολιν οὐ σέβω .

ant. 1

Χορός

μήποτε πάλιν ἴδοιμʼ

ἀλφεσίβοιον ὕδωρ ,
855

ἔνθεν ἀεξόμενον

ζώφυτον αἷμα βροτοῖσι θάλλει .

ἔγγαιος ἐγὼ βαθυχαῖος

βαθρείας βαθρείας , γέρον .
860

Κῆρυξ

σὺ δʼ ἐν ναῒ ναῒ βάσῃ

τάχα θέλεος ἀθέλεος ,

βίᾳ βίᾳ τε πολλᾷ φροῦδα .

βάτεαι βαθυμιτροκακὰ παθῶν

ὀλόμεναι παλάμαις .
865

str. 2

Χορός

αἰαῖ αἰαῖ .

αἲ γὰρ δυσπαλάμως ὄλοιο

διʼ ἁλίρρυτον ἄλσος ,

κατὰ Σαρπηδόνιον

χῶμα πολύψαμμον ἀλαθεὶς
870

Εὐρεΐαισιν αὔραις .

Κῆρυξ

ἴυζε καὶ λάκαζε καὶ κάλει θεούς .

Αἰγυπτίαν γὰρ βᾶριν οὐχ ὑπερθορῇ .

ἴυζε καὶ

βόα , χέον πικρότερον οἰζύος νόμον .
875

ant. 2

Χορός

οἰοῖ οἰοῖ ,

λύμας , ᾇ σὺ πρὸ γᾶς ὑλάσκων

περί , χάμψα , βρυάζεις ·

ὃς ἐπωπᾷ σʼ , ὁ μέγας

Νεῖλος , ὑβρίζοντά σʼ ἀποτρέ-
880

ψειεν ἄιστον ὕβριν .

Κῆρυξ

βαίνειν κελεύω βᾶριν εἰς ἀμφίστροφον

ὅσον τάχιστα · μηδέ τις σχολαζέτω .

ὁλκὴ γὰρ οὔτοι πλόκαμον οὐδάμʼ ἅζεται .

str. 3

Χορός

οἰοῖ , πάτερ , βρέτεος ἄρος
885

ἀτᾷ μʼ · · ἅλαδʼ ἄγει

ἄραχνος ὡς βάδην .

ὄναρ ὄναρ μέλαν ,

ὀτοτοτοτοῖ ,

μᾶ Γᾶ μᾶ Γᾶ , βοὰν
890

φοβερὸν ἀπότρεπε ,

ὦ πᾶ , Γᾶς παῖ , Ζεῦ .

Κῆρυξ

οὔτοι φοβοῦμαι δαίμονας τοὺς ἐνθάδε ·

οὐ γάρ μʼ ἔθρεψαν , οὐδʼ ἐγήρασαν τροφῇ .

ant. 3

Χορός

μαιμᾷ πέλας δίπους ὄφις ·
895

ἔχιδνα δʼ ὥς μέ τις

πόδα δακοῦσʼ ἔχει .

ὀτοτοτοτοῖ ,

μᾶ Γᾶ μᾶ Γᾶ βοὰν

φοβερὸν ἀπότρεπε ,
900

ὦ πᾶ , Γᾶς παῖ , Ζεῦ .

Suppliants. Aeschylus. Herbert Weir Smyth. New York. 1922.

Tufts University provided support for entering this text.

This text was converted to electronic form by professional data entry and has been proofread to a medium level of accuracy.