Euripides Orestes

Gilbert Murray

Tragedy

Epic

Heatmap options Heatmap by line/paragraph

Heat options Heat by tragedy vs. epic (default) or speech vs. narrative (toggle on)

Table of Contents:

← Previous Next →

str. 1

Χορός

ὁ μέγας ὄλβος ἅ τʼ ἀρετὰ

μέγα φρονοῦσʼ ἀνʼ Ἑλλάδα καὶ

παρὰ Σιμουντίοις ὀχετοῖς

πάλιν ἀνῆλθʼ ἐξ εὐτυχίας Ἀτρείδαις
810

πάλαι παλαιᾶς ἀπὸ συμφορᾶς δόμων ,

ὁπότε χρυσείας ἔρις ἀρνὸς

ἤλυθε Τανταλίδαις ,

οἰκτρότατα θοινάματα καὶ

σφάγια γενναίων τεκέων ·
815

ὅθεν φόνῳ φόνος ἐξαμεί-

βων διʼ αἵματος οὐ προλεί-

πει δισσοῖσιν Ἀτρείδαις .

ant. 1

Χορός

τὸ καλὸν οὐ καλόν , τοκέων

πυριγενεῖ τεμεῖν παλάμᾳ
820

χρόα μελάνδετον δὲ φόνῳ

ξίφος ἐς αὐγὰς ἀελίοιο δεῖξαι ·

τὸ δʼ εὖ κακουργεῖν ἀσέβεια ποικίλα

κακοφρόνων τʼ ἀνδρῶν παράνοια .

θανάτου γὰρ ἀμφὶ φόβῳ
825

Τυνδαρὶς ἰάχησε τάλαι-

να · Τέκνον , οὐ τολμᾷς ὅσια

κτείνων σὰν ματέρα · μὴ πατρῴ-

αν τιμῶν χάριν ἐξανά-

ψῃ δύσκλειαν ἐς αἰεί .
830

ep.

Χορός

τίς νόσος ἢ τίνα δάκρυα καὶ

τίς ἔλεος μείζων κατὰ γᾶν

ἢ ματροκτόνον αἷμα χειρὶ θέσθαι ;

οἷον ἔργον τελέσας

βεβάκχευται μανίαις ,
835

Εὐμενίσι θήραμα , φόνον

δρομάσι δινεύων βλεφάροις ,

Ἀγαμεμνόνιος παῖς .

ὦ μέλεος , ματρὸς ὅτε

χρυσεοπηνήτων φαρέων
840

μαστὸν ὑπερτέλλοντʼ ἐσιδὼν

σφάγιον ἔθετο ματέρα , πατρῴ-

ων παθέων ἀμοιβάν .

Orestes. Euripides. Gilbert Murray. Oxford. 1913.

Tufts University provided support for entering this text.

This text was converted to electronic form by professional data entry and has been proofread to a medium level of accuracy.