Καλλίεω δὲ τούτου ἄξιον πολλαχοῦ μνήμην ἐστὶ πάντα τινὰ ἔχειν . τοῦτο μὲν γὰρ τὰ προλελεγμένα , ὡς ἀνὴρ ἄκρος ἐλευθερῶν τὴν πατρίδα · τοῦτο δὲ τὰ ἐν Ὀλυμπίῃ ἐποίησε · ἵππῳ νικήσας , τεθρίππῳ δὲ δεύτερος γενόμενος , Πύθια δὲ πρότερον ἀνελόμενος , ἐφανερώθη ἐς τοὺς Ἕλληνας πάντας δαπάνῃσι μεγίστῃσι .
τοῦτο δὲ κατὰ τὰς ἑωυτοῦ θυγατέρας ἐούσας τρεῖς οἷός τις ἀνὴρ ἐγένετο · ἐπειδὴ γὰρ ἐγίνοντο γάμου ὡραῖαι , ἔδωκέ σφι δωρεὴν μεγαλοπρεπεστάτην ἐκείνῃσί τε ἐχαρίσατο · ἐκ γὰρ πάντων τῶν Ἀθηναίων τὸν ἑκάστη ἐθέλοι ἄνδρα ἑωυτῇ ἐκλέξασθαι , ἔδωκε τούτῳ τῷ ἀνδρί .
History. Herodotus. A.D. Godley. Cambridge. 1920-1925.
Tufts University provided support for entering this text.
This text was converted to electronic form by professional data entry and has been proofread to a medium level of accuracy.