οὐ μὲν οὐδὲ Λευτυχίδης κατεγήρα ἐν Σπάρτῃ , ἀλλὰ τίσιν τοιήνδε τινὰ Δημαρήτῳ ἐξέτισε . ἐστρατήγησε Λακεδαιμονίοισι ἐς Θεσσαλίην , παρεὸν δέ οἱ πάντα ὑποχείρια ποιήσασθαι ἐδωροδόκησε ἀργύριον πολλόν ·
ἐπʼ αὐτοφώρῳ δὲ ἁλοὺς αὐτοῦ ἐν τῷ στρατοπέδῳ , ἐπικατήμενος χειρίδι πλέῃ ἀργυρίου , ἔφυγε ἐκ Σπάρτης ὑπὸ δικαστήριον ὑπαχθείς , καὶ τὰ οἰκία οἱ κατεσκάφη · ἔφυγε δὲ ἐς Τεγέην καὶ ἐτελεύτησε ἐν ταύτῃ .
History. Herodotus. A.D. Godley. Cambridge. 1920-1925.
Tufts University provided support for entering this text.
This text was converted to electronic form by professional data entry and has been proofread to a medium level of accuracy.