ἐν τουτέων μιῇ Ἀρίδωλις πλέων ἥλω , τύραννος Ἀλαβάνδων τῶν ἐν Καρίῃ , ἐν ἑτέρῃ δὲ ὁ Πάφιος στρατηγὸς Πενθύλος ὁ Δημονόου , ὃς ἦγε μὲν δυώδεκα νέας ἐκ Πάφου , ἀποβαλὼν δὲ σφέων τὰς ἕνδεκα τῷ χειμῶνι τῷ γενομένῳ κατὰ Σηπιάδα , μιῇ τῇ περιγενομένῃ καταπλέων ἐπʼ Ἀρτεμίσιον ἥλω . τούτους οἱ Ἕλληνες ἐξιστορήσαντες τὰ ἐβούλοντο πυθέσθαι ἀπὸ τῆς Ξέρξεω στρατιῆς , ἀποπέμπουσι δεδεμένους ἐς τὸν Κορινθίων ἰσθμόν .
History. Herodotus. A.D. Godley. Cambridge. 1920-1925.
Tufts University provided support for entering this text.
This text was converted to electronic form by professional data entry and has been proofread to a medium level of accuracy.